Administrata e Presidentit Donald Trump ka pezulluar përkohësisht terminët dhe afatet për aplikimet e vizave në të gjitha ambasadat dhe konsullatat amerikane në botë, përfshirë edhe Kosovën. Ky vendim është pjesë e një fushate më të gjerë për ashpërsimin e politikave të imigracionit gjatë mandatit të tij të dytë, që përfshin revokimin e vizave, refuzimin e aplikimeve për arsye politike dhe masa të tjera të rrepta. Departamenti i Shtetit ka nisur një program trajnimi për stafin konsullor, me qëllim përmirësimin e vlerësimit të aplikantëve dhe parandalimin e varësisë së tyre nga përfitimet sociale amerikane, por nuk ka dhënë detaje për kohëzgjatjen e këtij trajnimi. Ndërkohë, politika e Trump është sfiduar në gjykata, ku një vendim për pezullimin e vizave për aplikantët nga 75 vende është rrëzuar si tejkalim kompetencash ligjore, ndërsa organizatat për të drejtat e njeriut kritikojnë këto masa si diskriminuese dhe që krijojnë pasiguri, sidomos për pakicat etnike.