Forcat amerikane kanë shpenzuar rreth 800 milionë dollarë gjatë 24 orëve të para të ofensivës kundër Iranit, që përbën rreth 0.1% të buxhetit të mbrojtjes së SHBA-së për vitin 2026. Operacioni përfshiu përdorimin e avionëve luftarakë të avancuar si B-2, F-22, F-35, F-16 dhe A-10, si dhe dronëve MQ-9 Reaper dhe sistemeve të mbrojtjes raketore Patriot e THAAD. Katër bombardues B-2 fluturuan pa ndalesë nga Missour-i dhe goditën objektiva me municion të rëndë, ndërsa aeroplanmbajtëset USS Abraham Lincoln dhe USS Gerald R. Ford morën pjesë në sulm, duke lëshuar dhjetëra raketa Tomahawk. Kostoja totale përfshin shpenzimet për avionët, municionin, mirëmbajtjen dhe operimin e anijeve luftarake, duke arritur në rreth 779 milionë dollarë vetëm në ditën e parë të ofensivës.