Departamenti Amerikan i Shtetit ka urdhëruar të gjitha ambasadat dhe misionet diplomatike amerikane në mbarë botën të ndërmarrin menjëherë vlerësime dhe masa të rritura sigurie për shkak të përshkallëzimit të konfliktit me Iranin dhe sulmeve të shumta ndaj objekteve amerikane. Kabllogrami i brendshëm, i nënshkruar nga Sekretari i Shtetit Marco Rubio dhe nënsekretari për Menaxhimin Jason Evans, kërkon thirrjen e Komiteteve të Veprimit Emergjent për të analizuar kërcënimet dhe përgatitur reagime të shpejta. Që nga fillimi i luftës me Iranin më 28 shkurt, janë regjistruar rreth 292 sulme ndaj objekteve amerikane, përfshirë një sulm me dron në Ambasadën e SHBA-së në Riad që ka shkaktuar dëme të konsiderueshme dhe e ka bërë pjesërisht të parikuperueshme objektin. Përveç rajonit të Lindjes së Mesme, incidente të dhunshme janë raportuar edhe në vende të tjera si Toronto, Oslo dhe Izrael, duke bërë që disa ambasada të mbyllen përkohësisht dhe personeli amerikan të tërhiqet nga disa vende.