Një tërmet me magnitudë 4.1 ballë u regjistrua mbrëmjen e djeshme në jug të Libanit, pas një serie shpërthimesh të fuqishme që shkaktuan dridhje të ndjeshme në zonë. Izraeli njoftoi se përdori mbi 1,100 ton eksploziv për të shkatërruar infrastrukturën nëntokësore të Hezbollahut në kreshtën Ali Taher, duke goditur tunelet kyçe të organizatës. Shërbimet gjeologjike ndërkombëtare konfirmuan tërmetin në një thellësi prej 10 kilometrash, pranë qyteteve Sidon dhe Tiri. Ministri i Mbrojtjes izraelit publikoi edhe imazhe të sulmit, duke theksuar fuqinë e operacionit dhe ndikimin e tij në strukturat e Hezbollahut.