Presidentja e Komisionit Evropian, Ursula von der Leyen, gjatë vizitës së saj në Irlandë, vlerësoi përparimin e qëndrueshëm të Shqipërisë dhe Malit të Zi në procesin e anëtarësimit në Bashkimin Evropian, duke theksuar rëndësinë e një qasjeje të bazuar në meritë. Ajo përmendi objektivin për përfundimin e negociatave të Malit të Zi deri në fund të këtij viti dhe kujtoi zgjerimin historik të BE-së në vitin 2004, që u realizua nën Presidencën irlandeze. Kryeministri i Irlandës rikonfirmoi mbështetjen për vendet kandidate, ndërsa Shqipëria ndodhet në fazën përfundimtare të negociatave, pas përmbushjes së standardeve të ndërmjetme në fushën e sundimit të ligjit. Kryeministri shqiptar Edi Rama ka vendosur si objektiv anëtarësimin e Shqipërisë në BE deri në vitin 2030.