Në selinë e NATO-s në Bruksel po zhvillohet takimi ministerial i ministrave të Mbrojtjes së vendeve anëtare, ku Shqipëria merr pjesë me ministrin Ermal Nufi. Ky takim vjen në një moment kyç për Aleancën, me fokus rritjen e kapaciteteve ushtarake, modernizimin e industrisë së mbrojtjes dhe përgatitjet për samitin e ardhshëm në Ankara. Sekretari i Përgjithshëm i NATO-s, Mark Rutte, theksoi nevojën për forcim të bazës industriale dhe rritje të investimeve, duke vënë në dukje se vendet evropiane dhe Kanadaja kanë rritur ndjeshëm shpenzimet e mbrojtjes gjatë vitit 2025. Në agjendë janë edhe diskutimet për Grupin e Planifikimit Bërthamor dhe mbrojtjen e Ukrainës, si dhe zbatimi i objektivit të ri për investimin deri në 5% të PBB-së në mbrojtje dhe siguri deri në vitin 2035.