Kancelari gjerman Friedrich Merz dhe krerët e qeverive të pesë shteteve donatore të Bashkimit Europian kanë kërkuar shkurtime të mëdha në buxhetin e ardhshëm të BE-së, duke e konsideruar propozimin e Komisionit Evropian për një rritje deri në 60% të papërballueshëm. Në një takim në Berlin, ku morën pjesë edhe kryeministrja daneze, kryeministri finlandez dhe kancelari austriak, u theksua se shkurtime do të prekin pothuajse të gjitha fushat dhe se buxheti nuk duhet të bëjë përjashtim nga masat e rrepta që po ndërmerren në shtetet anëtare.