Një studim i Universitetit të Lozanës në Zvicër ka zbuluar një lidhje të rëndësishme mes vitaminës B7 (biotinës) dhe mbijetesës së disa qelizave kancerogjene në kushte mungese ushqimore. Hulumtimi tregon se vitamina B7 është thelbësore për funksionimin e një enzime mitokondriale, “karboksilazës së piruvatit”, që lejon qelizat tumorale të përdorin një rrugë alternative energjie kur u mungon glutamina. Kur biotina mungon, kjo rrugë bllokohet dhe rritja e qelizave kancerogjene ndalet, sidomos tek ato me mutacione në gjenin FBXW7. Megjithatë, studiuesit theksojnë se ky zbulim është në fazë laboratorike dhe nuk nënkupton shmangien e vitaminës B7 në dietë, por hap mundësi të reja për zhvillimin e terapive që synojnë metabolizmin e tumoreve.