Shpërthimi i fundit i virusit Ebola në Republikën Demokratike të Kongos dhe Ugandë ka alarmuar autoritetet ndërkombëtare dhe ka detyruar Shtetet e Bashkuara të marrin masa të reja për kontrollin e udhëtarëve. Aeroporti i Brukselit, porta kryesore evropiane për fluturimet drejt Kinshasës, vazhdon operacionet normale, por me protokolle të rrepta higjienike dhe monitorim të kujdesshëm të ekuipazheve. Ekspertët shëndetësorë theksojnë se rreziku për Evropën mbetet i ulët, pasi Ebola përhapet vetëm përmes kontaktit të drejtpërdrejtë me lëngjet trupore të pacientëve simptomatikë dhe jo përmes ajrit. Megjithatë, kontrolli në hyrje në aeroportet evropiane ka efektivitet të kufizuar për shkak të periudhës së gjatë të inkubacionit, ndaj prioritet mbetet vigjilenca brenda sistemeve shëndetësore dhe mbështetja e reagimit në terren.