Sllovakia dhe Hungaria akuzojnë Ukrainën se po ndalon qëllimisht kalimin e naftës ruse përmes naftësjellësit "Druzhba" dhe kërcënojnë me ndërprerjen e furnizimit me energji elektrike dhe ndihmave të BE-së nëse problemi nuk zgjidhet deri të hënën. Prej disa javësh, nafta ruse nuk arrin më në Sllovaki për shkak të dëmtimit të tubacioneve, për të cilin palët fajësojnë njëra-tjetrën. Kryeministri sllovak Robert Fico dhe ai hungarez Viktor Orban përdorin një ton të ashpër ndaj Ukrainës, duke e akuzuar për hakmarrje dhe vendime politike që dëmtojnë interesat e tyre.