Sllovenia ka vendosur të mos marrë pjesë në Eurovisionin e këtij viti dhe të mos e transmetojë fare garën muzikore, duke zëvendësuar transmetimin me një seri filmash për Palestinën. Ky vendim vjen si shenjë bojkoti ndaj pjesëmarrjes së Izraelit në konkurs, një vendim që ka nxitur edhe Irlandën dhe Spanjën të ndjekin të njëjtën rrugë, duke mos e transmetuar ngjarjen për herë të parë në histori. Ndërkohë, Holanda dhe Islanda janë tërhequr nga pjesëmarrja, por do të transmetojnë Eurovisionin në televizionet e tyre publike. Bojkoti dhe tensionet rreth Eurovisionit janë pasojë e vendimit të organizatorëve për të lejuar pjesëmarrjen e Izraelit, pavarësisht kritikave për veprimet e tij në luftën në Gaza, ndërsa Sllovenia ka marrë masa të mëparshme kundër produkteve izraelite si reagim ndaj politikave të qeverisë izraelite.