Revista gjermane “Der Spiegel” raporton për një “safari njerëzor” gjatë luftës në Bosnjë, ku snajperë të huaj paguanin forcat serbe për të qëlluar civilë në Sarajevë. Në këtë kontekst, përmenden akuza të rënda ndaj presidentit të Serbisë, Aleksandar Vuçiç, i cili dyshohet se ka qenë vullnetar në njësi çetnike dhe ka marrë pjesë në këto sulme, akuza që ai i mohon me forcë. Hetimet përfshijnë edhe ish-kreun e shërbimit sekret serb, Jovica Stanišiç, i cili dyshohet të ketë luajtur rol kyç në organizimin e këtyre ngjarjeve, ndërsa autoritetet boshnjake dhe italiane po përpiqen të zbardhin të vërtetën. Dëshmitë e ish-ushtarëve dhe ekspertëve tregojnë se snajperët paguheshin me shuma të mëdha dhe merrnin gëzhoja si trofe, ndërsa organizimi i këtyre sulmeve kishte lidhje me qytetin italian të Triestes dhe rrjete të ndryshme kriminale dhe politike.