Spanja po përgatit një zgjerim të masave kundër duhanit duke ndaluar pirjen e cigareve edhe në tarracat e lokaleve të gastronomisë. Ministrja e Shëndetësisë, Monica Garcia, njoftoi se kjo reformë synon të forcojë kontrollin e produkteve të duhanit dhe të përmirësojë shëndetin publik, duke marrë parasysh ndryshimet në shoqëri dhe shfaqjen e produkteve të reja të duhanit. Aktualisht, duhani shkakton rreth 140 vdekje në ditë në Spanjë, ndërsa 30% e rasteve të kancerit lidhen me përdorimin e tij. Projektligji për ndalimin e pirjes së duhanit në tarracat e lokaleve është përgatitur dhe po pret miratimin e parlamentit.