Presidenti gjerman Frank-Walter Steinmeier paralajmëroi kundër rikthimit të mendësisë etniko-nacionaliste, duke theksuar se Gjermania ka nevojë për emigracion për të funksionuar si shoqëri dhe ekonomi. Ai theksoi se nuk ka qytetarë të klasit të parë apo të dytë dhe se përkufizimi i gjermanit nuk bazohet në gjak, por në shtetësi, gjuhë dhe respekt për Kushtetutën. Steinmeier u shpreh se migracioni është i domosdoshëm për sektorë të rëndësishëm si shëndetësia dhe ekonomia, edhe pse kërkon energji dhe përpjekje nga të gjithë. Ai bëri thirrje për trajtim të hapur dhe të sinqertë të problemeve, duke shmangur ndarjet dhe përjashtimet në shoqëri.