Parlamentit Evropian miratoi më 11 mars një strategji të re për zgjerimin e Bashkimit Evropian, duke e konsideruar atë një përgjigje strategjike ndaj ndryshimeve gjeopolitike dhe një investim në sigurinë dhe stabilitetin e bllokut. Dokumenti thekson se kostoja e moszgjerimit do të ishte më e lartë se ajo e pranimit të vendeve të reja dhe paralajmëron rrezikun e krijimit të zonave gri të ndjeshme ndaj ndikimeve të jashtme. Shqipëria dhe Mali i Zi synojnë të përfundojnë negociatat deri në 2026-2027, ndërsa Kosova, e vetmja në Ballkan pa status kandidati, duhet të avancojë përmes dialogut me Serbinë. Komisionerja për Zgjerim, Marta Kos, theksoi se BE-ja nuk do të pranojë vende që minojnë vlerat dhe institucionet e saj, duke kërkuar demokraci të forta dhe rezistencë ndaj ndikimeve të jashtme, ndërsa Serbia kritikohet për mos-sanksionimin e Rusisë dhe mospërputhjen me politikën e jashtme të BE-së.