Suedia ka vendosur të dorëzojë Ukrainës 16 avionë luftarakë “Jas 39 C/D Gripen” si pjesë të ndihmës ushtarake në luftën kundër Rusisë. Dorëzimi i avionëve pritet të nisë në fillim të vitit të ardhshëm, ndërsa po zhvillohen edhe negociata për blerjen e versionit më të avancuar “Jas 39E” me kapacitete të përmirësuara. Presidenti ukrainas Volodymyr Zelensky ka bërë me dije se avionët do të jenë të pajisur me armatim të plotë, përfshirë raketat “Meteor” me rreze goditjeje deri në 100 kilometra, duke theksuar rëndësinë e tyre në frenimin e sulmeve ajrore ruse. Ai gjithashtu ka përmendur elementë të tjerë të marrëveshjes që mbeten konfidencialë, duke e konsideruar këtë një moment kyç për mbrojtjen ajrore të Ukrainës në konfliktin që ka nisur që nga 24 shkurt 2022.