Tre aeroporte kryesore në Mbretërinë e Bashkuar, përfshirë Manchester, London Stansted dhe East Midlands, janë goditur nga një sulm kibernetik që ka komprometuar të dhënat e rreth 8.7 milionë klientëve. Manchester Airports Group (MAG), operatori i këtyre aeroporteve, bëri të ditur se siguria e pasagjerëve dhe e aviacionit nuk është cenuar dhe se nuk janë prekur të dhëna bankare apo të pagesave. Të dhënat e aksesuar përfshijnë kryesisht adresat e emailit, numrat e telefonit, targat e automjeteve dhe kodet postare, të cilat janë mbledhur kryesisht nga regjistrimet për përdorimin e Wi-Fi-së në terminale. Hakerët kërkuan një shpërblim financiar përmes një sulmi ransomware, por MAG refuzoi ta paguajë atë dhe ka marrë masa të menjëhershme në bashkëpunim me ekspertë të sigurisë kibernetike për të minimizuar rrezikun, ndërkohë që operacionet e aeroporteve vazhdojnë normalisht. Ekspertët paralajmërojnë se edhe pse këto të dhëna mund të duken më pak sensitive, grumbullimi i tyre në masë të madhe mund të shfrytëzohet nga kriminelët kibernetikë.