Të enjten në mbrëmje dy cisterna nafte të kompanisë shtetërore ADNOC nga Emiratet e Bashkuara Arabe u sulmuan me dronë gjatë kalimit nëpër Ngushticën e Hormuzit, një nga rrugët më të rëndësishme detare për transportin e naftës dhe gazit. Sulmi shkaktoi dëme të vogla në anije, por nuk pati persona të lënduar, ndërsa situata u vlerësua si nën kontroll nga kompania. Emiratet e Bashkuara Arabe akuzuan Iranin për këtë sulm, duke e cilësuar atë si një shkelje flagrante të parimeve ndërkombëtare dhe një akt piraterie që rrezikon stabilitetin e rajonit dhe sigurinë globale të energjisë. Deri tani Irani nuk ka reaguar ndaj akuzave, ndërsa tensionet në këtë zonë strategjike mbeten të larta.