Mëngjesin e së enjtes, Katari u sulmua me raketa, të cilat autoritetet i atribuojnë Iranit. Ministria e Mbrojtjes njoftoi se sistemet e mbrojtjes ajrore u aktivizuan menjëherë dhe arritën të interceptojnë raketat e lëshuara, duke parandaluar dëme më të mëdha. Qytetarët dhe vizitorët u këshilluan të ruajnë qetësinë dhe të ndjekin udhëzimet zyrtare, ndërsa në Doha dëgjoheshin shpërthime të fuqishme dhe njerëzit kërkonin strehim nëpër ambiente të sigurta. Fotografi dhe raportime nga vendi tregojnë re tymi në qiell si pasojë e sulmit dhe ndërhyrjes së sistemeve mbrojtëse.