Një anije cisternë me flamur liberian, e quajtur LPG Gas Lisbon, u sulmua mbrëmë rreth 20 milje detare larg bregdetit të Rumanisë, ndërsa po lundronte nga Egjipti drejt Ukrainës. Sulmi, që dyshohet të jetë pjesë e konfliktit të vazhdueshëm midis Rusisë dhe Ukrainës, shkaktoi plagosjen e tre anëtarëve të ekuipazhit dhe një shpërthim në bord, ndërsa anija vazhdon të jetë në flakë. Autoritetet rumune evakuan ekuipazhin dhe dërguan një rimorkiator për të monitoruar situatën dhe për të parandaluar rrezikun për trafikun detar në zonë, ndërsa paralajmëruan anijet e tjera të shmangin këtë rajon. Presidenti rumun Nicusor Dan theksoi gatishmërinë e institucioneve dhe po hetohen shkaqet dhe përgjegjësitë, duke e cilësuar incidentin si pjesë të agresionit të paligjshëm rus ndaj Ukrainës, ndërsa origjina e dronit sulmues mbetet e paqartë.