Të paktën gjashtë persona u vranë dhe mbi 25 të tjerë u plagosën nga sulmet ajrore izraelite në rajonin lindor Bekaa të Libanit, konkretisht në zonën e Baalbek dhe rrethinat e saj. Avionët luftarakë izraelitë kryen një valë sulmesh intensive, duke goditur ndërtesa dhe fusha në Shaara, Qasr Naba dhe Tamnine al-Tahta, duke shkatërruar edhe një ndërtesë pranë Fondacionit “Al-Qard Al-Hassan”. Ushtria izraelite deklaroi se objektiv i sulmeve ishin qendrat komanduese të Hezbollahut, ndërsa këto sulme rrezikojnë të tensionojnë armëpushimin e brishtë mes Izraelit dhe Hezbollahut, marrëveshje kjo e arritur në nëntor 2024. Palët kanë shkëmbyer akuza për shkelje të marrëveshjes, ndërsa Izraeli vazhdon të mbajë nën kontroll disa zona libaneze, duke rritur tensionet në rajon.