Ushtria izraelite ka vijuar sulmet ajrore në jug të Libanit, duke goditur pozicione të Hezbollahut dhe infrastrukturën e tij, pavarësisht marrëveshjes së paqes mes SHBA-së dhe Iranit që parashikon ndërprerjen e menjëhershme të veprimeve ushtarake në të gjitha frontet. Nga këto sulme raportohet për të paktën 16 të vrarë, ndërsa Hezbollah ka njoftuar për përplasje të ashpra në terren. Kryeministri izraelit Benjamin Netanyahu ka deklaruar se forcat izraelite do të qëndrojnë në jug të Libanit “për aq kohë sa të jetë e nevojshme”, duke sfiduar kështu marrëveshjen e arritur. Ndërkohë, presidenti amerikan Donald Trump ka bërë thirrje për armëpushim të plotë dhe respektim të marrëveshjes, ndërsa Irani paralajmëron se vazhdimi i sulmeve do të konsiderohet shkelje e memorandumit të paqes.