Sulmet izraelite ndaj depot e naftës në Teheran dhe zonat përreth kanë shkaktuar derdhje të naftës në sistemet e kanalizimeve, duke krijuar një "lum zjarri" përgjatë rrugëve të kryeqytetit iranian. Një video e postuar në rrjetet sociale tregon zjarrin që digjet nëpër rrugë, ndërsa Ministria iraniane e Naftës konfirmoi goditjen e tre zonave, përfshirë qytetin Karaj pranë Teheranit. Korrespondenti i CNN raportoi se pas sulmeve ka filluar të bjerë shi i zi, i ngopur me naftë, duke ndikuar në mjedisin dhe jetën e banorëve të qytetit me rreth 10 milionë banorë. Ushtria izraelite e konsideron këtë sulm një përshkallëzim të luftës kundër regjimit iranian, ndërsa ministri izraelit i Energjisë paralajmëron për përshkallëzime të mëtejshme në ditët në vijim, duke theksuar se sulmet synojnë dobësimin e infrastrukturës ushtarake të Iranit. Në këtë situatë, presidenti amerikan Donald Trump ka treguar mosinteres ndaj kërcënimeve iraniane dhe ka sinjalizuar intensifikimin e sulmeve ndaj Iranit.