Ushtria izraelite ka nisur sulmin ndaj flotës humanitare Global Sumud, e cila po udhëtonte drejt Rripit të Gazës në ujërat ndërkombëtare. Forcat detare izraelite u panë duke hipur në anije njëra pas tjetrës, ndërsa kontaktet u ndërprenë me 23 anije të flotiljes që përbëhej nga aktivistë nga 39 vende. Aktivistët u ndaluan dhe po transferohen në një anije të marinës, e përshkruar si “burg lundrues”, përpara se të dërgohen në portin e Ashdodit. Flotilja ka deklaruar se nuk do të frikësohet dhe vazhdon përpjekjen për të thyer bllokadën izraelite që është në fuqi që nga viti 2007.