Natën e fundit, Rusia ka kryer një nga sulmet më të mëdha ajrore ndaj Ukrainës në muajt e fundit, duke lëshuar 656 dronë sulmues dhe 73 raketa të ndryshme. Presidenti ukrainas Volodymyr Zelensky njoftoi se sulmet përfshinë raketa balistike, kruz dhe kundër anijeve, duke goditur zona të banuara dhe infrastrukturë civile në disa rajone të vendit. Si pasojë e bombardimeve humbën jetën të paktën 13 persona, përfshirë edhe një fëmijë, ndërsa dhjetëra të tjerë u plagosën. Zelensky theksoi nevojën urgjente për forcimin e mbrojtjes ajrore të Ukrainës dhe bëri thirrje për mbështetje të mëtejshme nga partnerët perëndimorë, duke përfshirë furnizimin me raketa për sistemet Patriot nga Shtetet e Bashkuara.