Presidenti ukrainas Volodymyr Zelensky njoftoi se një takim trepalësh mes tij, Donald Trump dhe Vladimir Putin do të zhvillohet në fillim të marsit, me qëllim diskutimin dhe zgjidhjen e çështjeve të ndjeshme që lidhen me luftën. Ky njoftim erdhi pas një bisede telefonike mes Zelenskyt dhe Trumpit, ku u diskutuan edhe përgatitjet për një takim dypalësh të përfaqësuesve të Ukrainës dhe SHBA-së në Gjenevë më 26 shkurt. Zelensky falënderoi ekipet negociuese për punën intensive dhe theksoi se mbështetja e Trumpit është kyçe për avancimin e bisedimeve në nivel liderësh. Ai vuri në dukje se kjo është mënyra e vetme për të zgjidhur problemet komplekse dhe për t’i dhënë fund luftës.