Sekretari i Mbrojtjes amerikan Pete Hegseth është përballur me pyetje të forta nga kongresistët lidhur me luftën në Iran gjatë një seance dëgjimore në Kongres. Ai deklaroi se SHBA-ja shkatërroi objektet bërthamore të Iranit në një sulm gjatë vitit 2025, por kjo nxiti pyetje nga demokratët dhe disa republikanë për arsyet e nisjes së luftës, duke vënë në dyshim logjikën e veprimeve. Hegseth argumentoi se Irani nuk ka hequr dorë nga ambiciet bërthamore dhe ka ende mijëra raketa, duke justifikuar kështu vazhdimin e konfliktit. Ndihmëssekretari për luftë, Jules Hurst III, bëri me dije se lufta ka kushtuar deri tani 25 miliardë dollarë SHBA-së, kryesisht për municion, ndërsa Hegseth theksoi rëndësinë e buxhetit të lartë të Pentagonit për forcimin e ushtrisë amerikane.