Sekretari amerikan i Shtetit, Marco Rubio, ka bërë thirrje që vendet anëtare të NATO-s të përgatisin një “plan B” për hapjen e Ngushticës së Hormuzit, në rast se Irani vazhdon bllokadën dhe vendos taksa për kalimin. Rubio theksoi se, megjithëse preferohet një zgjidhje me negociata dhe marrëveshje, ekziston shqetësimi se kjo mund të mos realizohet, ndaj duhet menduar për opsione alternative. Ai nuk përjashtoi mundësinë që misioni të mos jetë drejtpërdrejt i NATO-s, por se vendet anëtare mund të kontribuojnë në një përgjigje emergjente. Ndërkohë, anëtarët evropianë të NATO-s kanë refuzuar më parë kërkesat për ndërhyrje ushtarake, duke preferuar sigurimin e rrugës detare vetëm në rast të një paqeje të qëndrueshme.