Ministri i Jashtëm rus Sergei Lavrov ka deklaruar se Evropa po kthehet në një kërcënim serioz për paqen dhe sigurinë ndërkombëtare për shkak të ndihmës ushtarake që i jep Ukrainës. Ai gjithashtu kritikoi Shtetet e Bashkuara, duke thënë se ato po braktisin rolin e ndërmjetësit objektiv dhe po përshkallëzojnë presionin ndaj Rusisë me sanksione të reja. Nga ana tjetër, këshilltari i presidentit Putin, Yuri Ushakov, përsëriti narrativën se Evropa është përgjegjëse për zgjatjen e konfliktit dhe shprehu gatishmërinë për dialog me Bashkimin Evropian. Megjithatë, bisedimet përfundimtare për t’i dhënë fund luftës mbeten të ngrira, ndërsa kanali diplomatik i hapur nga presidenti i Këshillit Evropian, Antonio Costa, po përballet me skepticizëm dhe akuza për minimin e marrëveshjeve ndërkombëtare.