Një tërmet me magnitudë 4.7 ballë ka goditur mbrëmjen e sotme zonën vullkanike Campi Flegrei pranë Napolit, duke shkaktuar panik dhe ndërprerje të energjisë elektrike në disa pjesë. Lëkundjet, të regjistruara në një thellësi prej rreth 3-4 kilometrash, janë më të fuqishmet në 40 vitet e fundit në këtë rajon, ku aktiviteti sizmik dhe vullkanik po rritet prej kohësh. Si pasojë, 26 persona janë lënduar, pesë prej tyre janë shtruar në spital, ndërsa rreth 300 banorë janë evakuuar nga shtëpitë e tyre për shkak të rrezikut të pasgoditjeve dhe rrëshqitjeve të dheut. Autoritetet italiane, përfshirë Ministrin e Mbrojtjes Civile, kanë paralajmëruar banorët për kujdes të shtuar, duke theksuar se aktiviteti sizmik në zonë nuk ka përfunduar dhe situata mbetet e paqëndrueshme.