Gjatë gjysmëfinales së parë të Eurovisionit 2026, performanca e përfaqësuesit izraelit Noam Bettan u shoqërua me fishkëllima dhe thirrje nga publiku, duke kërkuar “Stop gjenocidit, liri për Palestinën”. Video të shpërndara në rrjetet sociale treguan se fishkëllimat ishin më të dëgjueshme në sallë sesa në transmetimin live, ku zhurma u duk e zbutur, megjithatë disa thirrje u dëgjuan edhe në transmetim. Performanca e këngës “Michelle”, e interpretuar në hebraisht, frëngjisht dhe anglisht, u pasua nga fokusimi i kamerave tek mbështetësit izraelitë, ndërsa në rrjetin X pati reagime të ndryshme për ngjarjen dhe për përjashtimin e Rusisë nga konkursi për shkak të luftës në Ukrainë. Polemikat për pjesëmarrjen e Izraelit në Eurovision këtë vit u shtuan edhe nga raportimet për bojkotin e disa shteteve lidhur me konfliktin në Gaza, duke rikthyer në diskutim ndikimin politik në këtë garë muzikore.