Zviceranët festojnë më 1 Gusht ditën e tyre kombëtare, që përkujton themelimin e Konfederatës Zvicerane në vitin 1291. Në këtë datë, tre kantone malore u bashkuan dhe firmosën Kartën Federale, dokument ky që shërbeu si baza për shtetin me 26 kantone që ekziston sot. Një moment kyç ishte betimi i burrave liridashës në livadhin e Rutli pranë liqenit të Lucernit, një ngjarje që u zbulua shumë më vonë, në vitin 1758. Festimet janë bërë tradicionale që nga fundi i shekullit të 19-të, ndërsa që nga viti 1994, 1 Gushti është ditë pushimi zyrtare në Zvicër dhe kremtohet me fenerë letre, zjarre dhe fishekzjarrë brenda dhe jashtë vendit.