Një zjarr i madh pyjor ka përfshirë provincën e Almerías në jug të Spanjës, duke shkaktuar vdekjen e 12 personave dhe plagosjen e disa të tjerëve. Flakët shpërthyen në komunën e Los Gallardos dhe u përhapën shpejt për shkak të temperaturave të larta dhe kushteve të thatësirës, ndërsa rreth 150 zjarrfikës dhe katër automjete janë angazhuar në luftën me zjarret. Autoritetet kanë evakuuar banorët dhe kanë mbyllur rrugët për të parandaluar rreziqet e mëtejshme, ndërsa njësi ushtarake emergjente pritet të ndihmojë në shuarjen e flakëve. Kreu i qeverisë rajonale të Andaluzisë e ka cilësuar ngjarjen si një “tragjedi” dhe ka shprehur ngushëllimet për familjet e viktimave, ndërsa shkencëtarët lidhin rritjen e zjarreve me ndryshimet klimatike dhe valët e nxehti që po përjeton Spanja.