Një shpërthim i fuqishëm dhe zjarri që pasoi kanë shkaktuar vdekjen e pesë personave dhe plagosjen e dy të tjerëve në një fabrikë të prodhimit të shtytësve raketorë në qytetin Daejeon të Koresë së Jugut. Ngjarja ndodhi në linjën e prodhimit të kompanisë Hanwha Aerospace, ku dy nga të mbijetuarit arritën të dalin vetë nga objekti, njëri prej tyre me djegie të rënda. Autoritetet shëndetësore njoftuan se identifikimi i viktimave është i vështirë për shkak të gjendjes së rëndë të trupave. Hetimet për të zbuluar shkaqet e shpërthimit janë ende në zhvillim e sipër.