Një shpërthim i fuqishëm në një kazermë ushtarake në komunën Viacha të Bolivisë ka shkaktuar të paktën dy viktima dhe dhjetëra të plagosur, ndërsa 14 persona rezultojnë të zhdukur. Ngjarja ndodhi në një zonë ku ruheshin materiale piroteknike dhe fishekzjarre, ndërsa autoritetet paralajmërojnë për rrezikun e një shpërthimi të dytë dhe kanë kërkuar që banorët të qëndrojnë larg bazës ushtarake. Dëmet janë të mëdha, përfshirë dëmtimin e dhjetëra banesave dhe plagosjen e një vajze me djegie të shkallës së tretë. Presidenti i Bolivisë ka shprehur ngushëllime dhe ka premtuar një hetim të plotë dhe transparent për zbardhjen e shkaqeve të tragjedisë, ndërsa autoritetet lokale kanë shpallur tre ditë zie.