Një ngjarje e rëndë ka ndodhur në Atizapán, pranë Meksikos, ku katër persona u vranë në një apartament, mes tyre muzikanti Jonathan Melendez, gruaja e tij shtatzënë dhe vajza 3-vjeçare. Viktima e katërt ishte një grua që punonte si ndihmëse shtëpie dhe u gjet e vrarë me një plumb në shpinë. Në banesë u gjet edhe djali 6-vjeçar i familjes, i cili ishte i gjallë dhe pa shenja dëmtimi, ndërsa qeni i familjes ishte ngordhur dhe i lidhur. Autoritetet kanë arrestuar dy persona dhe po hetojnë pistat e grabitjes, ndërsa ngjarja ka tronditur thellë Meksikën, ku vrasjet masive mbeten një problem i madh, me mijëra raste të regjistruara në vitet e fundit.