Presidenti amerikan Donald Trump ka ndarë në rrjetin e tij social një grafik që tregon qarkullimin e naftës përmes Ngushticës së Hormuzit, një nga rrugët më strategjike të transportit të energjisë në botë. Sipas grafikës, para fillimit të konfliktit, rreth 20 milionë fuçi naftë kalonin në ditë përmes kësaj ngushtice, ndërsa tani volumi është rreth 18 milionë fuçi në ditë. Trump thekson se këto shifra tregojnë një rikthim të volumit të naftës në nivelet e mëparshme, duke sugjeruar stabilitet në këtë rrugë kyçe pas periudhës së trazirave. Ky zhvillim është i rëndësishëm për tregjet globale të energjisë dhe për sigurinë e furnizimit me naftë.