Tre shpërthime janë dëgjuar në qendër të Teheranit, konkretisht në zonën e Republikës, sipas raportimeve të mediave iraniane dhe agjencisë Fars News Agency. Raportohet se disa raketa kanë goditur këtë pjesë të kryeqytetit iranian, ndërsa fotot e para nga vendi i ngjarjes janë publikuar tashmë. Deri më tani nuk ka informacione të konfirmuara për viktima apo dëme materiale, dhe autoritetet iraniane nuk kanë dhënë ende një deklaratë zyrtare lidhur me incidentin. Sipas ministrit të Mbrojtjes izraelit, Izraeli ka nisur sulmin ndaj Iranit, duke shtuar tensionet në rajon.