Presidenti amerikan Donald Trump ka emëruar Erica Kirk, vejushën e komentatorit konservator të vrarë Charlie Kirk, si anëtare të bordit drejtues të Akademisë së Forcave Ajrore të SHBA-së, një nga institucionet më prestigjioze ushtarake në vend. Ky bord, i përbërë nga 16 anëtarë, mbikëqyr çështje të rëndësishme si etika, disiplinën, programet akademike, trajnimet dhe financat e akademisë në Kolorado Springs. Pas vrasjes së Charlie Kirk në shtator në kampusin e një universiteti në Utah, Erica Kirk mori drejtimin e organizatës konservatore Turning Point USA dhe tani është pjesë zyrtare e bordit të akademisë. Zëdhënësja e Shtëpisë së Bardhë, Olivia Wales, e përshkroi emërimin e saj si një zgjedhje të përshtatshme dhe të duhur nga presidenti Trump.