Presidenti amerikan Donald Trump u përplas ashpër me gazetarin e Fox News, Peter Doocy, kur u pyet për pretendimet se Rusia po ndihmon Iranin të shënjestrojë trupat amerikane. Gjatë një aktiviteti në Shtëpinë e Bardhë, Trump e hodhi poshtë pyetjen dhe e quajti atë "idiote", duke theksuar se çështja ishte më pak e rëndësishme krahasuar me temat e tjera që po diskutoheshin. Raporti i The Washington Post kishte ngritur pretendime se Moska po ofron ndihmë teknike Teheranit për të identifikuar dhe goditur forcat amerikane në rajon. Sekretarja e Shtypit Karoline Leavitt gjithashtu minimizoi rëndësinë e këtyre pretendimeve, duke theksuar se ushtria amerikane po lufton fuqishëm kundër regjimit iranian.