Presidenti amerikan Donald Trump ka reaguar me ironi ndaj mbylljes së emisionit të natës “The Late Show”, të drejtuar nga Stephen Colbert, duke shpërndarë një video të krijuar me inteligjencë artificiale ku e hedh moderatorin në një kosh mbeturinash dhe më pas vallëzon me këngën “YMCA”. Videoja u publikua fillimisht në platformën e Trump “Truth Social” dhe më pas u shpërnda edhe nga llogaria zyrtare e Shtëpisë së Bardhë në rrjetin “X”, duke nxitur reagime të shumta në media dhe opinion publik. Trump e quajti Colbert “pa talent” dhe shprehu mirënjohje për mbylljen e emisionit, duke e konsideruar këtë si “fillimin e fundit” për moderatorët e tjerë të natës që kritikojnë administratën e tij. Ndërkohë, kompania Paramount Skydance sqaroi se vendimi për mbylljen e emisionit ishte financiar, por kritikët e lidhin atë me presionin politik të administratës Trump.