Presidenti amerikan Donald Trump ka deklaruar se po e konsideron seriozisht largimin e Shteteve të Bashkuara nga NATO-ja, pasi aleanca nuk iu bashkua në luftën në Iran dhe nuk dërgoi anije lufte për të rihapur Ngushticën e Hormuzit. Ai e ka cilësuar NATO-n si një “tigër prej letre” dhe ka theksuar se largimi nga traktati i mbrojtjes është “përtej rikonsiderimit”. Trump ka kritikuar partnerët e NATO-s, duke përmendur veçanërisht Mbretërinë e Bashkuar dhe mungesën e gatishmërisë së Marinës Mbretërore për detyrën. Në anën tjetër, sekretari i shtetit Marco Rubio ka thënë se Amerika duhet të rishikojë anëtarësimin në NATO pas përfundimit të luftës në Iran, duke mbështetur qëndrimin e Trumpit për nevojën e një marrëveshjeje më të mirë me aleancën.