Presidenti amerikan Donald Trump ka kërkuar zyrtarisht ekstradimin e dy trafikantëve të drogës, kolumbianit Giovanny Andrés Rojas, i njohur si “Araña”, dhe serbit Antun Mrdeža, i njohur edhe si “Nikola Boroš”. Rojas ndodhet në burgun La Picota në Bogota, ndërsa Mrdeža është në paraburgim në Venezuelë që nga maji i vitit 2025, pas një arratisjeje spektakolare nga Kolumbia në 2023. Shtëpia e Bardhë po bashkëpunon me Kolumbinë dhe Venezuelën për të negociuar një mekanizëm ekstradimi, ku Kolumbia do të kërkojë fillimisht transferimin e Mrdezhës nga Venezuela, përpara se SHBA-ja të bëjë kërkesën formale. Autoritetet kolumbiane dyshojnë se Mrdeža është pjesë e një rrjeti ndërkombëtar të trafikut të drogës që lidh Amerikën Latine me Evropën, ndërsa procesi i ekstradimit është pezulluar për shkak të shqetësimeve për ndikimin në negociatat e brendshme të sigurisë dhe paqes në Kolumbi.