Presidenti amerikan Donald Trump ka mbrojtur vendimin e tij për ndërhyrjen ushtarake ndaj Iranit, pavarësisht se kjo ka çuar në rritje të ndjeshme të çmimeve të karburantit në SHBA. Ai u shpreh se amerikanët duhet të pranojnë çmimin më të lartë të benzinës si një kosto të nevojshme për të parandaluar që Irani të pajiset me armë bërthamore. Gjatë një aktiviteti në New York, Trump theksoi se nuk do të kërkojë kurrë falje për këtë vendim dhe e konsideron atë si veprimin e duhur. Ai gjithashtu bëri një deklaratë të fortë duke thënë se pas përfundimit të konfliktit synon ta shpallë Ngushticën e Hormuzit territor të SHBA-së, duke theksuar rëndësinë strategjike të kësaj zone në kontekstin e sigurisë energjetike globale.