Presidenti amerikan Donald Trump ndërpreu në mënyrë të papritur intervistën e tij me emisionin “Meet the Press” të NBC News, pas një shkëmbimi të ashpër me gazetaren Kristen Welker. Pyetjet e saj për mungesën e provave në lidhje me pretendimet e tij për manipulimin e zgjedhjeve të vitit 2020 e shqetësuan dukshëm Trumpin, i cili e akuzoi moderatoren për njëanshmëri dhe e quajti rrjetin televiziv “të korruptuar”. Ai u largua duke thënë se kishte mjaftuar dhe i kërkoi moderatores të ndërprisnin intervistën, pavarësisht përpjekjeve të saj për ta bindur të vazhdonte. Më vonë, Welker bëri të ditur se kishte biseduar sërish me Trumpin dhe ai kishte pranuar të bënte një intervistë pasuese.