Presidenti amerikan Donald Trump ka shpallur një “luftë ekonomike” kundër Iranit, duke e cilësuar atë si operacionin më shkatërrues ndonjëherë kundër një vendi. Ai theksoi se Irani do të përballet me izolim dhe goditje të thella ekonomike, ndërsa paralajmëroi se çdo shtet që ndihmon Teheranin do të përballet me pasoja të rënda financiare. Trump kërkoi mbështetjen e aleatëve për të izoluar dhe dobësuar Iranin, duke theksuar se forcat ushtarake dhe ekonomia e këtij vendi janë në prag të kolapsit. Ai gjithashtu garantoi se Irani nuk do të ketë kurrë armë bërthamore, duke e paraqitur këtë fushatë si një hap historik për sigurinë globale.