Presidenti amerikan Donald Trump ka deklaruar se Ngushtica e Hormuzit do të hapet plotësisht dhe shumë shpejt, me ose pa bashkëpunimin e Iranit. Ai theksoi se Shtetet e Bashkuara janë të vendosura të rikthejnë lirinë e lundrimit në këtë rrugë detare kyçe për tregtinë globale dhe se situata do të zgjidhet në një kohë shumë të shkurtër. Trump shtoi se nëse Irani nuk bashkëpunon, SHBA do ta zgjidhin çështjen në një mënyrë apo tjetër, duke ushtruar presion ekonomik për të detyruar Iranin të heqë kufizimet mbi kalimin detar. Ai përfundoi duke thënë se hapja e ngushticës do të ndodhë automatikisht, pasi Irani nuk do të ketë alternativa për të fituar para.