Presidenti amerikan Donald Trump deklaroi se bisedimet me Iranin janë duke shkuar mirë, por paralajmëroi se nuk do të lejojë që Teherani ta shantazhojë SHBA-në përmes Ngushticës së Hormuzit. Ai përmendi sjelljen “pak dinake” të Iranit gjatë 47 viteve të fundit dhe theksoi se bllokada amerikane ndaj porteve iraniane do të vazhdojë deri në përfundimin 100% të marrëveshjes mes dy vendeve. Nga ana tjetër, kryetari i parlamentit iranian, Mohammad Bagher Ghalibaf, njoftoi se ka përparim në negociata, por ende nuk është arritur një marrëveshje përfundimtare. Deri tani nuk është caktuar data për raundin tjetër të bisedimeve, ndërsa tensionet dhe pritshmëritë mbeten të larta.