Presidenti amerikan Donald Trump ka deklaruar se Kina dhe Rusia nuk po furnizojnë me armë Republikën Islamike të Iranit, duke u bazuar në premtimet personale të liderëve të të dy vendeve. Gjatë takimit në Pekin, presidenti kinez Xi Jinping i ka garantuar Trumpit se Kina dhe kompanitë e saj nuk do t’i shesin armë Iranit në asnjë rrethanë, ndërsa presidenti rus Vladimir Putin ka konfirmuar se Moska nuk do të furnizojë Teheranin me armë, pavarësisht tensioneve ndërkombëtare dhe luftës në Ukrainë. Trump theksoi se SHBA-ja nuk furnizon drejtpërdrejt Ukrainën me armë, por i shet ato vendeve të NATO-s, të cilat vendosin për përdorimin e tyre. Ai paralajmëroi se ndihma ushtarake nga Kina dhe Rusia ndaj Iranit do të kishte pasoja serioze për këto dy vende dhe nuk do të ishte në interesin e tyre, ndërkohë që Irani vazhdon konsultimet e përditshme me këto dy fuqitë për luftën me SHBA-në dhe Izraelin.