Presidenti amerikan Donald Trump ka deklaruar se regjimi në Kubë mund të bjerë shumë shpejt për shkak të krizës ekonomike dhe energjetike që po përballet ishulli. Ai theksoi se pas 50 vjetësh situata është gati për ndryshime të mëdha dhe paralajmëroi se do të dërgojë sekretarin e Shtetit, Marco Rubio, për të ndihmuar në këtë proces. Trump përmendi mungesën e karburanteve dhe ndërprerjet e energjisë si faktorë kyç që dobësojnë regjimin kuban, duke shtuar se SHBA mund të vendosë tarifa ndaj vendeve që furnizojnë Kubën me naftë për të rritur presionin ekonomik. Ai gjithashtu shprehu shpresën se zhvillimet do të lehtësojnë rikthimin e kubano-amerikanëve në vendin e tyre të origjinës dhe theksoi përkushtimin e administratës së tij ndaj kësaj çështjeje.